Este ano imos traballar máis o magosto, e deixaremos pasar o samaín (salvo pequenas actividades a nivel aula).
Para o magosto decidimos recuperar os castañóns.
Cada aula preparará o seu, que será exposto a mañá do magosto, o 11 de novembro, no patio. Un será salvado do lume e conservarémolo ata o vindeiro curso. O grupo que elabore o castañón salvado poderá escoller o menú do comedor para un día do mes de decembro.
Toca poñer a creatividade a traballar.
A agrupación cultural Alexandre Bóveda (https://www.acalexandreboveda.gal/events/un-dia-con-rosalia-150-anos-da-chegada-de-rosalia-a-coruna/) organiza Un día con Rosalía para conmemorar os 150 anos da chegada de Rosalía á Coruña cun completo programa de activdades.
A Real Academia Galega dedicaralle o Día das Letras Galegas 2022 a Florencio Delgado Gurriarán (Córgomo, Vilamartín de Valdeorras, 1903 – Fair Oaks, California, 1987).
Florencio Delgado Gurriarán, avogado de formación, foi poeta, articulista, pioneiro da tradución poética interlingüística, editor literario e home ponte entre a Galicia exiliada en México e a Galicia interior, capaz de tecer asemade vínculos coa intelectualidade doutras orixes.
Estes son algúns dos enlaces que se publicaron hoxe e que fan unha pequena reseña do autor.
http://culturagalega.gal/noticia.php?id=32675
Novos enlaces con materiais sobre o autor deste ano:
Estes foron os resultados da palabra do curso despois das distintas votacións:
A alumnado nas últimas sesións do curso elaborou debuxos ilustrando a palabra deste curso: DISTANCIA
Neste curso optamos por traballar a celebración do Día das Letras Galega a nivel de grupos de titoría.
Na entrada do edificio A colocousa información sobre a autora homenaxeada nesta ocasión, Xela Arias.
Ademais dos traballos individuais do alumnado fixemos un mural colectivo no que o alumnado de Ed. Primaria traballou sobre os autores que foron homenaxeados desde que se celebra o Día das Letras Galegas. Os diferentes autores repartíronse entre os grupos de Ed. Primaria. Na ficha que tiñan que cubrir debían incluír: un debuxo ou caricatura do autor, en que ano se lle adicou a día das Letras Galegas, unha breve biografía e algunhas das súas obras.
Xa podes escoller de entre estas finalistas, cal é para ti a palabra do curso.
Xa estamos rematando o curso. Con que palabra resumirías o 2020/2021? Cal foi a palabra de moda? Cal foi esa palabra que escoitaches ata aburrirte?
Trátase de propoñer unha palabra coa que resumas este curso que remata, ou que estivo de moda, a expresión que máis se repetiu, aquilo que aprendiches e non vas esquecer... Debe ser unha soa palabra ou frase feita.
Esta proposta farase a través das seguintes canles:
Enviando un correo electrónico ao EDLG (ednlcruzdosar@gmail.com)
Facendo un comentarios as redes sociais Facebook
(https://www.facebook.com/edlg.cruzdosar.3) e Instagram do EDLG
Facendo un comentario no blog Vagalume da Lingua
O alumnado de Ed. Primaria tamén poderá facer as súas propostas a través das súas titoras ou titores que as entregarán a algún membro do membro do EDLG.
As palabras ofensivas, malsoantes ou con faltas de ortografía, quedarán automaticamente eliminadas.
Unha vez recollidas nas redes sociais, no correo electrónico e nas titorías as propostas da comunidade, farase unha selección (máis orixinais, máis importantes, máis repetidas...) que deberán ser votadas despois na enquisa que se publicará no blog e nas redes sociais.
As titorías de Ed. Primaria poden facer a súa votación na aula e logo pasarán os resultados ao EDLG, que os sumará aos obtidos no blog e nas redes sociais.
A palabra que acade máis votos será a palabra do curso.
Temporalización:
1ª fase, proposta de palabras: entre o 11 e 14 de xuño.
2ª fase, votación de palabras: 16 e 17 de xuño.
Publicación dos resultados: venres, 18 de xuño.
Unha vez que se saiba cal é a palabra do curso queremos invitar a todos os membros da comunidade escolar a elaborar debuxos e carteis que inclúan a palabra do curso 20/21. Os traballos recibidos publicarémolos e expoñerémolos nos accesos aos diferentes edificios do centro.
Ánimo, que xa queda menos!
Xa hai unha semaniña que vos comunicamos os gañadores do noso concurso a través de Instagram https://www.instagram.com/edlgcruzdosar/?hl=es. Pero para os despistados e despistadas son estes:
Neste vídeo podesdes ver un resumo do traballo realizado:
Neste póster tedes os datos máis importantes para participar no concurso de lema deste ano.
As bases completas están na entrada: http://vagalumedalingua.blogspot.com/2021/05/3-concurso-de-lema-para-o-dia-mundial.html
Se queredes ver os traballos de anos anteriores: http://vagalumedalingua.blogspot.com/2020/06/dia-mundial-do-medio-ambiente.html http://vagalumedalingua.blogspot.com/2019/06/5-de-xuno-dia-mundial-do-medio-ambiente.html
3º Concurso do lema para o Día Mundial do Medio Ambiente
Co motivo da celebración do Día Mundial do Medio Ambiente o vindeiro 5 de xuño convócase o concurso de lema para promover o coidado do noso entorno.
Bases para o concurso:
Poderá participar todo o alumnado do CPI Cruz do Sar
Cada alumno/a poderá presentar un traballo en cada modalidade.
Modalidades de presentación:
1.- Lema escrito ilustrado (ilustración + lema)
2.- Lema para campaña de publicidade (ilustración + lema + audio)
Os traballos serán entregados a:
Educación Primaria: Titores e titoras, Equipo Normalización e Biblioteca
Educación Secundaria: Equipo Normalización e Biblioteca
Para a selección dos lemas terase en conta o uso correcto da Lingua Galega, a presentación e a mensaxe que transmite.
Entre os traballos presentados serán seleccionados:
Modalidade 1:
1 lema de 1º, 2º e 3º de Educación Primaria
1 lema de 4º, 5º e 6º de Educación Primaria
1 lema de Educación Secundaria
Modalidade 2:
1 lema de 4º, 5º e 6º de Educación Primaria
1 lema de Educación Secundaria
Os traballos seleccionados serán premiados cun cheque regalo para canxear na librería Biblos de Betanzos.
Cos lemas entregados farase un mural na entrada dos edificios e publicaranse na web e blogs do centro.
Data de entrega de traballos: ata o mércores 2 de xuño.
Descrición das modalidades e algunha axuda.
Modalidades de presentación:
1.- Lema escrito ilustrado
O traballo consistirá na creación dun lema en Lingua Galega que promova o coidado do medio ambiente e a importancia do mesmo.
O tamaño da presentación dos traballos será empregando algunha das plantillas que se poden obter nas titorías ou ben nos blogs e webs do centro. Estas plantillas son de diferentes follas de árbores autóctonas de Galicia.
Cada traballo levará o nome, apelidos e curso do/a autor/a na parte posterior.
Modalidade dirixida a todos os niveis educativos.
2.- Lema para campaña de publicidade
O traballo consistirá nun debuxo e un lema en Lingua Galega que promova o coidado do medio ambiente e a importancia do mesmo. Tamaño do debuxo/ilustración A5 en horizontal. Poderase realizar en formato papel ou con ferramentas dixitais. No caso de empregar imaxes que sexan libres de dereitos (https://www.educaciontrespuntocero.com/recursos/mejores-bancos-de-imagenes/)
Adxuntarase un arquivo de audio de entre 15 e 30 segundos de duración en formato mp3. O contido do audio terá relación co lema e a ilustración e toda a gravación será en Lingua Galega.
Axuda e suxerencias:
Ter en conta que no caso de empregar música que sexa libre de dereitos. Algúns exemplos son:
Banco de sons do Ministerio de Educación
The free sound project
Jamendo
Archive.org
FX sonidos gratis
Mediacollege.com
Posible programa edición de audio: Audacity.
Manual Audacity: http://www.edu.xunta.gal/centros/iesrosais2/?q=system/files/Manual%20Audacity.pdf
Videotitorial: https://formacion.intef.es/catalogo/mod/book/tool/print/index.php?id=44
Modalidade dirixida a: 4º, 5º, 6º de Primaria e todos os niveis da ESO.
Hoxe 24 de febreiro celebramos o día de Rosalía de Castro.
O alumnado de Ed. Primaria estivo estes días traballando sobre a nosa poetisa e elaborando acrósticos adicados a ela. Pouco a pouco encheremos o taboleiro coas súas creaccións. Algunhas xa están expostas.
Por se queredes coñecer un pouco máis a vida de Rosalía aquí tedes este vídeo.
E para rematar unha versión do seu Adiós ríos, adiós fontes.
Para celebrar o Día da Paz, o vindeiro 30 de xaneiro, o alumnado de Ed. Primaria levará a cabo esta sinxela actividade ademais doutros traballos que cada grupo realizará cos seus titores e titoras.
Para unha lectura de domingo aquí vos deixamos os relatos gañadores no concurso Escribimos de medo deste Samaín 2020.
Relatos gañadores Samaín 2020 by Anillampl on Scribd
A alumna Sara Pazos de 4º de E.S.O. gañou o terceiro premio do concurso de relato da Escola Galega de Administración Pública na convocatoria do curso pasado.
No vídeo podedes escoitar anacos das obras premiadas, entre elas, a de Sara.
Parabéns a premiada!
https://egap.xunta.gal/egapaberta/ficha/aformativa/video/15388a2_16883
Nesta entrada iremos poñendo enlaces sobre novas ou materiais que iremos atopando sobre a poeta a quen se lle adica este ano do Día das Letras Galegas, Xela Arias.
Xogo, un retrato de Xela Arias
Primavera das Letras, biografía e outras actividades
Xela Arias, o mundo escríbese con X
Xela entrevistada por Manuel Rivas
