17 de maio, día das Letras Galegas

Como cada curso no C.P.I. Cruz do Sar celebramos a festa das nosas letras, este ano adicada á figura de Antonio Fraguas.

En primeiro lugar preparamos na nosa biblioteca, a carón da porta exterior, un pequeno mural cuns apuntamentos sobre a súa biografía e algúns dos libros que falaban sobre él.

 Tamén se colocou a lista de autores homenaxeados ó longo da historia xunto con algunha obra. Foi o alumnado, que a través dun xogo localizou as obras dos autores que se expuxeron.

Como todos los cursos o concello de Bergondo convoca dous concursos: o de marcapáxinas e o de redacción. En calquera dos dous, tanto en Ed. Primaria, como Ed. Secundaria a participación foi alta. Os traballos son expostos na entrada do edificio cultural da Senra. 

O concello promove tamén varias actividades para o alumnado do centro, momento no que se fai entrega dos premios aos gañadores/as.