Nesta publicación da Real Academia Galega podes coñecer un pouquiño máis sobre a orixe do topónimo do noso concello e dos do resto da provincia. O enlace levarate á páxina onde podes descargar a publicación.
https://publicacions.academia.gal/index.php/rag/catalog/book/377
O pasado 1 de abril o Día das Artes Galegas adicouse a Laxeiro. Con tal motivo o alumnado de Primaria e o alumnado de Ed. Plástica de Ed. Secundaria participou no traballo sobre este artista.
O alumnado de Ed. Primaria elaborou carteis cos datos biográficos do pintor, despois de traballar con diferentes materiais (nas redes e en fondos bibliográficos). Ademais fíxose un achegamento á súa obra a través de diferentes presentacións e de traballos variados. Con todo isto elaborouse unha pequena exposición.
O alumnado de Secundaria traballou sobre a súa obra, usando a técnica de estampación.
