2º concurso de lema para o Día Mundial do Medio Ambiente.

5 de xuño – Día Mundial do Medio Ambiente

A variedade de alimentos que comemos, o aire que respiramos, a auga que bebemos e o clima que fai posible a nosa vida no planeta, non existirían sen os servizos da natureza.

Hoxe, vivimos un momento excepcional no que a natureza envíanos unha mensaxe.

Para coidar de nós mesmos, primeiro debemos coidar dela. 

Chegou a hora de reaccionar. De darnos conta. De levantar as nosas voces.

Chegou a hora de reconstruír mellor, polas persoas e o planeta.

Este Día Mundial del Medio Ambiente, chegou a Hora da Natureza.

https://www.worldenvironmentday.global/es

Neste enlace podedes atopar toda a información sobre o tema.

2º concurso de lema para o Día Mundial do Medio Ambiente

          Con motivo da celebración do Día Mundial do Medio Ambiente o vindeiro 5 de xuño convócase o 2º concurso de lema para promover o coidado do noso entorno.

BASES PARA O CONCURSO DE LEMAS

• Poderá participar todo o alumnado do C.P.I. Cruz do Sar distribuído en tres categorías:
• Categoría A: alumnado de 1º a 3º de Ed. Primaria. Poderán participar cun debuxo sobre o coidado da natureza e o día do medio ambiente, no que se inclúa algún lema ou frase en galego que invite ao coidado do medio.
• Categoría B: alumnado de 4º a 6º de Ed. Primaria. Poderán participar creando un lema que promova o coidado do medio ambiente.
• Categoría C: alumnado de ESO. Poderán participar creando un lema que promova o coidado do medio ambiente.
• Cada alumno ou alumna poderá presentar un traballo.
• O tamaño  de presentación dos traballos será A4 (folio), no caso dos debuxos, tanto en vertical coma en horizontal. No caso dos lemas, para 4º, 5º e 6º de Ed. Primaria e ESO non hai un tamaño establecido, porque o que se valorará é o propio lema.
• Tamén se terá en conta a súa facilidade para a publicación, polo que non son aconsellables volumes, pregados ou brillos.
• Cada traballo levará o nome, apelidos e curso do autor/a, ou no nome do arquivo enviado.
• Os traballos poden ser entregados:
• No correo electrónico do Equipo: ednlcruzdosar@gmail.com
• Aos seus titores, ou profesores, que logo reenvirán ao Equipo.
• Os lemas poden ser deixados como comentarios nas entradas que se farán nas redes sociais (Facebook, Instagram e blog) anunciando o concurso.
• O prazo de presentación de traballos remata o 2 de xuño.
• Entre os traballos presentados serán seleccionados:
• 1 debuxo de 1º, 2º e 3º de Ed. Primaria
• 1 lema de 4º, 5º e 6º de Ed. Primaria
• 1 lema de Ed. Secundaria.
• Para a selección dos lemas terase en conta o uso correcto da Lingua Galega e a mensaxe que se transmite.
• Estes tres traballos serán premiados cun cheque regalo para canxear na librería Biblos de Betanzos.
• Os premios poderán declararse desertos se o equipo considera que non teñen a calidade suficiente.
• Os traballos presentados serán publicados posteriormente, especialmente os premiados.