VAGALUME DA LINGUA

29/12/16

Desexos de Nadal

Os nenos e nenas de toda E. Primaria escribiron os seus desexos para este Nadal en pequenos adornos que decoraron as árbores que adornaron o Colexio.

28/12/16

Como en anos anteriores organizamos un concurso de tarxetas de Nadal no que participaron moitos alumnos e alumnas do CPI Cruz do Sar, Os motivos elixidos para ilustrar estas tarxetas foron moi variados e cheos de bos desexos e ledicia. O xurado tivo unha tarefa moi dificil para escoller as gañadoras do concurso. Escolleron unha tarxeta gañadora de entre 1º e 2º de EP, outra de entre as participantes de 3º e 4º de EP, entre as de 5º e 6º elixiron outra e por último unha tarxeta de ESO, Estas tarxetas foron consideradas finalistas e acompañaron á tarxeta gañadora na ilustración da tarxeta de Nadal coa que o CPI Cruz do Sar felicita estas festas.

TARXETA GAÑADORA

TARXETAS FINALISTAS

OUTRAS TARXETAS ELIXIDAS

14/5/10

Segunda entrega, a primavera.

Na segunda recollida pedimos refráns ou ditos relacionados coa primavera, o mes de abril ou a Semana Santa. Esta é unha mostra do que xuntamos.

En abril, augas mil.
O mes de abril mollado, malo na horta e bo no campo.
En abril, espiga ó mil.
Se marzo non marcea, abril ventisquea.
O inverno non pasou ata que abril non rematou.
Abril sorrinte, de frío mata a xente.

En marzo o cataventos, nin dous días está quieto.
Marzo ventoso e abril caluroso, traen o maio, florido e fermoso.
Marzo, marzán, pola mañá cara de risa e pola tarde cara de can.
Marzo, marzolo, trebón e raiolo.
Marzo, marzán, pola mañá cara de can.
Marzo, marzolo, asoma o raiolo.
Marzo, marzán, pola mañá cariña de rosa e pola tarde cariña de can.
Marzo ventoso e abril chuvioso sacan a maio florido e fermoso.
Nin marzo con flores, nin moza sen amores.

A primavera, o sangue altera.
Moita flor en primavera, bon outono nos espera.
Auga en primavera, se non é torrencial, enche a paneira.
A primavera que cante ou que chove, non ven sen flores.

Domingo de Ramos, lavas os teus panos que na de Paixón, os lavas ou non.
Tres xoves hai no ano que relocen máis que o sol: Xoves Santo, Corpus Cristhi e o día da Ascensión.
Na Semana Santa coa familia hai que gardar a vixilia.
San Marcos, rei das pozas.
A Semana Santa, todos aman.
Quen para a palma non estree nada, non vale nada.
Da Pascua á Ascensión, corenta días son.
Altas ou baixas, en abril son as Pascuas.

13/5/10

Primeira entrega

As nosas árbores énchense de follas e cada folla leva un refrán ou cantiga.

As primeiras que recollimos foron estas que tedes agora a continuación:

Alá vai o gaiteiro detrás do pinar, leva a gaita rompida de tanto tocar.
Cando a Candelaria chora, metade do inverno vai fora, que chore que deixe de chorar a outra metade está sen pasar.
Pola Candelaria medio inverno vai fóra.
Por San Antón/ a boa oca pon; / Pola Candelaria, / pon a boa e a mala.Non hai Entroido sen lúa febreiriña.
Día de Entroido ou de Pascua, cada papón na súa casa.
O Entroido ó tizón, a Pascua ó sol.
Entroido seco, pascua mollada.
Entroido larafuzán, coméchesme a carne e deixáchesme o pan.
Non todos os martes, son días de entroido.
Martes de entroido, cando has de vir? Casquiñas de ovos case habedes de ruxir.
O entroido coas súas artes, botou a San Matías fóra do martes.
No mes de febreiro os pés no braseiro.
A chuvia no febreiro fai bó palleiro.
En febreiro sete capas e un sombreiro.
En febreiro un pouco ó Sol e outro ó fumeiro.
Febreiriño curto cos seus 28 e o que ben contou 29 encontrou sidaza máis 4 non queda can nin gato.
Febreiro, xeada na lareira, cachopo na lareira.
A finais de febreiro o cuco pica co peteiro.
As patacas de febreiro van no cesto e veñen no sombreiro.
En febreiro dúas chaquetas e un sombreiro.Nas mañás de xaneiro nin se dan os bos días nin se quita o sombreiro.
Patacas de xaneiro van no cesto e veñen no sombreiro.
En xaneiro, frío no corpo enteiro.
En xaneiro, polo día ó sol e á noite ó braseiro.
Se no xaneiro ves os campos verdear, bótate a chorar; se os ves terrexar, bótate a chorar.
En xaneiro a ria sabe a carneiro.
O sol de xaneiro, pouco duradeiro.
Quen pasa o mes de xaneiro, pasa o ano enteiro.

Cando marzo maiea, maio marcea.
Marzo, marzolo, raio, raiolo.
Marzo marzán, pola mañá cara de rosa, pola noite cara de can.
En marzo machaquei as castañas cun mazo.
Marzo, marzolo, trebón e raiolo.Lúa nova con treboada, trinta días de mollada.
Ceo empredrado, chan mollado.

Usas para comer e non é prato nin culler…En san Brais, dúas horas máis.
Polo san Brais, a cegoña verás.
Polo San Martiño trompos no camiño.En abril, augas mil.
En maio aínda a vella queima o talo.

Se vou nun bou, non vou. Se non vou nun bou, non vou.

Polo san Matías escomenzan as enxentías.Cando chove e quenta o sol, anda o demo por Ferrol.
Quen a boa árbore se arrima boa sombra lle cobixa.

Mais vale que sobre pan que que falte viño.

Heiche de dar o aboi mouro / heiche de dar o boi mouro / dareiche a filla máis nova / ¡meu ben! / pra que te cases con ela.

É máis longo que un día sen pan.

Un, dous, tres, catro, cómeche os pelos o gato.

17/3/10

As nosas árbores

As nosas árbores xa se van enchendo de follas nas que aparecen textos relacionados co entroido, e o inverno...

En próximas entradas recopilaremos os textos que entre todos recollimos. Estade atentos ós vindeiros temas que vos imos propoñer.

12/3/10

Orgullosos do noso, orgullosos do galego.

A Coordinadora de Equipos de Normalización Lingüística comeza a campaña Orgullosos do noso, orgullosos do galego. A iniciativa pretende concienciar a sociedade de que ter lingua propia é unha sorte e un motivo para estar orgulloses. Entre os vídeos atopamos o que dá título á campaña, no que diversos persoeiros da cultura do país, como Luís Tosar, Belén Regueira ou Antón Reixa, amosan o seu apoio a esta proposta.