Cabazas premiadas no Samaín 2019

Aquí están as fotos das cabazas premiadas. 

Sentimos a espera. 

Celebración do Samaín e do Magosto.

O pasado 30 de outubro celebramos no CPI o Samaín e o Magosto.

Durante a primeira sesión rematouse de preparar a exposición de cabazas.

O alumnado visitou a exposición por quendas acompañado polos seu titor ou titora

+

Ao mesmo tempo, baixamos ao monte onde puidemos desfrutar das castañas asadas.

Tivemos tamén a sorte de asistir á actuación do Orquestra Pantasma Cé

E o alumnado de E.S.O. tamé se uniu á festa durante o seu segundo recreo.

Unha gran xornada!

Outono en marcha

Desde o EDLG e a Biblioteca propuxemos algunhas actividades para este outono, tendo en conta a celebración do Magosto e Samaín e o día das Bibliotecas Escolares (24 de outubro).

Portas de medo!

Todo o alumnado

·        Cada titoría decorará a porta da súa aula cun tema relacionado co Samaín ou o outono.

·        Haberá un premio colectivo para a mellor porta de Ed. Primaria e a mellor porta de Ed. Secundaria.

Os premios poderán quedar desertos se os traballos presentados non teñen unha calidade mínima.

A caixa dos medos.
1º, 2º, 3º e 4º de Ed. Primaria
O alumnado destes niveis preparará tarxetas nas que escribirán cales son os seus maiores medos, para despois, acompañados polo seu titor/titora, depositalas na caixa dos medos que se colocará na  Biblioteca. Logo farase unha selección dos máis curiosos ou o máis destacados para expoñer.

Debuxamos de medo
1º, 2º e 3º de Ed. Primaria

·        O alumnado destes niveis preparará debuxos relacionados co Samaín ou Magosto.

·        Os debuxos levarán o nome e grupo ó que pertencen na parte posterior.

·        Cada titor/a recollerá os do seu grupo.

·        Os debuxos expoñeranse na entrada do edificio C.

·        De entre os debuxos expostos seleccionarase un co que se elaborará o adhesivo conmemorativo do Samaín neste ano.

·        O traballo seleccionado será premiado con un cheque-regalo.

Os premios poderán quedar desertos se os traballos presentados non teñen unha calidade mínima.

Relatos terroríficos

4º, 5º e 6º de Ed. Primaria

·        O alumnado creará relatos ou contos de medo.

·        A lingua de presentación será a Lingua Galega.

·        Os traballos presentados non superarán a extensión dun folio (pode ser polas dúas caras).

·        Poderán vir acompañados de debuxos ou ilustracións.

·        O nome, apelidos e grupo do autor/a deberá aparecer ao final do relato.

·        Os traballos entregaranse aos titores que logo os entregarán ao EDLG ou na Biblioteca.

·        Premiarase un relato de cada nivel cun cheque-regalo.

·        Valorarase unha mínima calidade narrativa, de expresión, orixinalidade, ortografía e presentación.

Os premios poderán quedar desertos se os traballos presentados non teñen unha calidade mínima.

Relatos terroríficos

1º, 2º, 3º e 4º de E.S.O.

·        O alumnado creará relatos ou contos de medo.

·        A lingua de presentación poderá ser: L. Galega, L. Castelá, L. Inglesa, L. Francesa.

·        Os traballos presentados non superarán a extensión dun folio (pode ser polas dúas caras).

·        Poderán vir acompañados de debuxos ou ilustracións.

·        O nome, apelidos e grupo do autor/a deberá aparecer ao final do relato.

·        Os traballos entregaranse ao EDLG ou na Biblioteca.

·        Premiarase un relato en cada unha das linguas cun cheque-regalo.

·        Valorarase unha mínima calidade narrativa, de expresión, orixinalidade, ortografía e presentación.

Os premios poderán quedar desertos se os traballos presentados non teñen unha calidade mínima.

Vídeo-relatos terroríficos

1º, 2º, 3º e 4º de E.S.O.

·        O alumnado de xeito individual ou en grupo creará vídeo-relatos de medo en Lingua Galega.

·        A duración máxima do vídeo será de 10 minutos.

·        Os grupos poderán estar formados por un máximo de 6 membros.

·        Os traballos entregaranse ao EDLG ou ao profesorado de Lingua Galega (Marta e Xoán)

·        Premiarase un vídeo-relato cun cheque-regalo.

·        Valorarase unha mínima calidade narrativa, de expresión, orixinalidade, ortografía e presentación.

Os premios poderán quedar desertos se os traballos presentados non teñen unha calidade mínima.

Día das escritoras

1º e 2º E.S.O.

A alumnado de Investigación e tratamento da información (1º E.S.O.) e Valores Sociais e Cívicos (2º E.S.O.) traballou na biblioteca destacando libros escritos por mulleres e como están organizados os libros de lectura para a súa idade.

Día das Bibliotecas escolares

Todo o alumnado

O alumnado que durante eses días acuda á biblioteca leve algún libro en pŕestamo, recibirá unha chapa conmemorativa.

Enquisas

Dende o EDLG traballamos xunto co equipo de Biblioteca e os diferentes departamentos para dar visibilidade e fortaleza ao uso da nosa lingua.
Para levar a cabo a nosa actividade precisamos coñecer cal é a situación actual da Lingua Galega na nosa contorna e no noso centro. Para iso comezamos cunhas enquisas para toda a comunidade escolar.

• Enquisa para o alumnado de 5º de Ed. Primaria a 4º de E.S.O. Cubrirana no centro coas inidcacións que os seus/súas titores/as lles dean, a través da aula virtual.
• Enquisa para o profesorado. Será enviada a cada docente ao seu correo persoal.
• Enquisa para o persoal non docente. A través da aula virtual poderán acceder á enquisa coa clave que se lles facilitará.
• Enquisa para as familias. A través da aula virtual poderán acceder á enquisa coa clave que se lles facilitará a través dunha carta que o alumnado levará á casa. Só é necesario responder unha vez por unidade familiar.

O prazo para cubrir as enquisas rematará o vindeiro 31 de outubro. A partir dese momento analizaremos os datos recollidos para preparar as nosas actividades de cara a este curso e aos vindeiros.